షార్ట్ ఫిల్మ్స్ చేయనున్న సంచలన దర్శకుడు 

Judagiri |Updated : 08-Feb-2016 

సంచలన దర్శకుడు రామ్ గోపాల్ వర్మ షార్ట్ ఫిల్మ్స్‌పై దృష్టి సారిస్తున్నారు. త్వరలోనే ‘ఆర్జీవి టాకీస్’ పేరుతో ఓ ఆన్లైన్ ధియేటర్ ఏర్పాటు చేసి అందులో ఆ లఘు చిత్రాలు (షార్ట్ ఫిల్మ్స్)ను విడుదల చేయనున్నట్టు ఆయన వెల్లడించారు. కంటెంట్ విషయంలో సెన్సార్, నిడివిలోని సమస్యలే డిజిటల్ రంగంలో అడుగుపెట్టడానికి ప్రధాన కారణం అని తెలిపిన వర్మ 'సింగల్ ఎక్స్' (Single X) పేరుతో తొలి లఘు చిత్రాన్ని విడుదల చేయనున్నారు. ఎరోటిక్ థ్రిల్లర్‌గా తెరకెక్కనున్న ఈ సినిమా ఫస్ట్ లుక్‌ని విడుదల చేస్తూ దీనిని సెన్సార్ వాళ్ళకి అంకితమిస్తానని చెప్పటం గమనార్హం. ఈ వెబ్ చానెల్‌లో నా టేస్ట్‌కి తగ్గట్టు షార్ట్ ఫిల్మ్స్ చేయడానికి ఎవరు ముందుకొచ్చినా వారితో కలిసి చేయడానికి సిద్ధమన్న వర్మ రొమాన్స్, సెక్స్ జోనర్ సినిమాలకు కామెడి జోడించడం ఇష్టంలేదన్నారు. ఎందుకంటే అవి నా దృష్టిలో చాలా తీవ్ర అంశాలు అని చెప్పుకొచ్చారు. దేవుడంటే నమ్మకం లేదు.. ఆటలంటే ఇష్టం లేదు గనక ఆ తరహ సినిమాలు తప్ప షాకింగ్‌గా అనిపించే కథలను సినిమాలుగా మార్చనున్నట్టు తెలిపారు.